Federazioa
Ipar Euskal Herriko 4 irratiak elkarturik
1997ko ekainaren 10ean sortu da Euskal Irratiak elkartea. Ipar Euskal Herriko hurbileko euskal irratiak batzen dituen federazio horrek 4 kide dauzka gaur egun : Antxeta irratia (Hendaia) – Gure Irratia (Uztaritze) – Irulegiko irratia (Donibane Garazi) – Xiberoko Botza (Maule).Podere publikoekilako harremanak segurtatzea eta euskal irratien interesak laguntzea ditu helburutzat Euskal Irratiak federazioak. Bertzalde, eguneroko programazioaren %80a amankomuna proposatzen dute 4 irratiek elkarturik.
Gainerateko %20a tokian tokiko gaiekin osatzen du irrati bakotxak.
Helburu nagusiak :
- Euskal kostan, barnekaldean edota euskal herritik hurbil kokaturik, tokiko irrati sare horri esker informazioa zabaldu,
- Uhinetan mintza daitezen belaunaldi guziak, eragile guziak, izan daitezen elkarte, politik, instituzione edo kultur sailetakoak,
- Lurraldeko zozial, kirol eta kultur animazionetan partaide azkar bat izan nahi,
- Baserriko biztanleek duten bakartasun sentimendua guttitu, bereziki adinekoentzat,
- Eztabaidak sustatu : zerbitzu edo elkarte egituretan, sindikatetan, enpresetan, herritarren bizian, ekimenetan ari diren guzien iritziak bildu eta trukatu,
- Aterabide negoziatuak atzemateko aukerak eman, hunkiak diren egile ezberdinak elkartuz eta entzunez.
Azken xehetasunak :
- Emankizunak etengabe : egunero (24/24) urte osoan (365/365).
- Orotara, 31 lagun ari dira lanean federazioan.
- Buxet orokorra : 1.310.000 euro
Azken eguneratzea hemen: Asteartea, 2010(e)ko azaroak 16